Froito da nosa actividade investigadora dos últimos anos neste campo (ver proxectos de I+D+i), desenvolvemos solucións a medida baseadas en redes de sensores inalámbricos (WSN) que ofrecen monitorización de datos en tempo real e a través de Internet. Este tipo de despregamentos permiten xestionar e manter sistemas sen necesidade de desprazarse ao lugar para a recollida de información, ademais de incorporar sistemas de toma de decisión automática baseados en regras configurables polo cliente.

As redes de sensores inalámbricas posúen numerosos campos de aplicación, entre os que destacan:

• Saúde: Monitorización domiciliaria de pacientes, centros deportivos de alto rendemento.
• Medioambiente: Monitorización de parámetros ambientais, flora e fauna.
• Agricultura e gandería: Coidado de cultivos e gando.
• Domótica: Sensorización de edificios públicos, urbanizacións, fogares.
• Procesos industriais: Monitorización en laboratorios e plantas de fabricación e procesado.