Wireless Galicia nace en xaneiro de 2004 como unha empresa de base tecnolóxica especializada no desenvolvemento de sistemas de comunicación inalámbricos e de mobilidade, centrando a nosa actividade principal no deseño, instalación e mantemento de solucións de conectividade para empresas e administración pública. Ampliamos a nosa carteira de produtos e servizos co desenvolvemento de software a medida e portais Web, utilizando sempre tecnoloxías abertas e produtos FLOSS, tanto propios como de terceiros.

Durante todos estes anos participamos nos principais foros e eventos a nivel nacional e europeo contribuíndo a situar os servizos e tecnoloxías inalámbricas como elementos de alto valor engadido na nosa sociedade. Desde os inicios os nosos esforzos foron dirixidos á xeración de coñecemento e tecnoloxía innovadora mediante a I+D+i, participando en programas e plataformas tecnolóxicas de ámbito rexional, nacional e europeo, sempre cunha política de innovación aberta e colaborativa. Esta experiencia permítenos actuar como socio tecnolóxico dos nosos clientes, apoiándolles na xestión da súa innovación e adopción de solucións de alto valor engadido para o seu negocio.

Asumimos un alto compromiso coa calidade, o medioambiente e a seguridade, estando certificados nas normas ISO9001, ISO14001, EMAS e ISO27001